بازدید کل: 179993

بازدید امروز: 167

بازدید دیروز: 192

                                           169
 
نمسری په بین بشون شامرزا               نمسری خلی دانده تماشا
اگر خلی نه ره غلو نکری                      بهشتی واشونده یون خاره جگا
 
                                          170
 
عه وو مه یار پینده ور ور بنرون               یادیگاری ره خاره عکس بگیرون
بشون نه ژرژرا با دلی پندی                  وه واخونن جگا دس دیم بشرون
 
                                          171  
 
خداوندا هم د ار ده ور نوونه                  نقافلکی هم ده پر پر نوونه
هم اوصار ده هجه هم سر نوونه           فقیر آدمون ده بر بر نوونه
 
                                          172
 
هم چمشو جا په به په ببی یه             هم په یون کفشی دله له ببی یه
هم ده یکه یاله جگا ببی یه                  نه چیک چیک لوبارو جا که ببی یه
 
                                           173
 
یون کتی وو آخر هوچو نبونده                 دایم ادکی سال که بر نشونده
همیشه نه مه ده خجالت دینده             مرتون پرون مه ده پلا ووننده
 
                                           174
 
سر تراشی مه ره گرجک بگرته              مه سری اسبی موی پیچک بگرته
مه تنی لکه لکه ده ویننده                     جن پری وونی مد درمک بگرته
 
                                           175
 
کلاچکی بمی یه درُه خونندا                  پیغوم داندا هم دلی درد ه زوندا
هم نیم بترسی یون اما کلاچکی            قرچ قرچ هم ده پلا وونندا
 
                                           176
 
امست هم داری حاصل ریز ببی یه         هم نازنین وی یار پییز ببیی یه
ادر هم دل و جون ده خون دکرته             هم صبری کاسه جا لبریز ببی یه
 
                                           177
 
شالاتونونی مه پول ده بخورته              یکه کلوکی وه نه سر وا خورته
اشتره فاستونی لاولو دوته                  مه کونه لاولوده مه تن بوته
 
                                           178
 
هم قدیمی لاولو ده جا بوژون                 نورو بمی یه نو لاولو دوژون
نه رفی کاسه ماسه ده وچینون             جا ده بشرون و از نو دچینون
 
                                          179
 
بشون دلی ترو هجه دخیسون             لاده وارونون و دلی بخسون    
صبی گاوو په بون و پر بریسون             تا مرتونی کاسه ده ونلیسین
                    
                                         180
 
مه رفق ده بوا مالون ده یرین                 واقو دارین هچین دنبال نسرین
اگر خاده خدا کاره همیشه                    به یه یین دو نه بین و یکه به بین

تاریخ ارسال: 1391/3/10
تعداد بازدید: 1047