بازدید کل: 155636

بازدید امروز: 38

بازدید دیروز: 114

 
                                          577
 
ونا کره هجه مرتون مو سره                  ادر تده بوات درمه مه کره
ادکی مرکیین یون ده نزونده                 آدم پینده مرتون مو دنه سره
 
                                          578
 
ورون ده ببرین هم خیلی بره                مه ره جوا واکرین یکه وره
نوون کُر بور سُری یاله ماشره               قربونی هاکرین نه نه نمره
 
                                          579
 
پینده تد بوینی مر چم نبونده               اگر عه بمری ته غم نبونده
ته حرف و کات مه ره ملهم نبونده         مه دلی زخم دکلو جم نبونده
 
                                          580
 
مه دیم ده چیره لباسه ژننده                 مرتون دله مه آبروده بنده
چیچه ادر اشتون ده وه دکنده                ولی بزون آخر نه چو ده خونده
 
                                          581
 
روون بیارت مه ره وه یی زلالی              مه خاطری خارکه روون چنگالی
یون بونکی ادر مه ده بگرته                    ای زین دوسی بوندی حالی به حالی
 
                                          582
 
ته شوی پینده مازدرونی شالی            ته ساخته مکنه خار خاره قالی
ته دیمی عرقه وه یی زلالی                 مه ده آتش دینده ته دیمی سالی
 
                                          583
 
مه هر دو چشون ده دوا دکرته               انگار کنده مه چش ده زا دکرته
مه یار واندا یون درد ده یاله کرته             چیچه تسته یی کون ده تا دکرته
 
                                          584
 
مه شوی یی پینک ده کُک بژی یه              نه درز و دورزون ده درُک بژی یه
مه شوال اشتره بولرته اما                          نه نه واندا نه کی ته پُک بژی یه
 
                                          585
 
اربونی یون دونیا جا خا تلک بو                خا زندگی جا صاف و بی کلک بو
هم کو درون شونون اشتون جگا ره          هم ده یی انجمن خاد مبارک بو
 
                                          586
 
کچک نُوله یی کچا ده کو ورته                  باز کی یون کاچ کچاوونده ببرته
کلیز کو للاقو کو طام پورزُو کو                   لابد مُد بسرته ند خونده رته
 
                                          587            
 
چپری بوا مالون ده بیاره                           نمک ره دلی تر هاکرین چاره
همی امشه بشون نه ده بیارون               ممکنه دم به صبح وارش بواره
 
                                          588
 
ایشا لله هجنی خا بد نوی نین                نمسر ببی یه جا چر وچینین
خا ده قسم دیندی به جونی مولا            مه بسوته دل ره بنا بگیرین
 

تاریخ ارسال: 1391/3/22
تعداد بازدید: 1175